उत्तरहालैका वर्षहरूमा विदेशमा जन्मेका क्षयरोगका बिरामीहरूको संख्या जापानमा बढ्दै गएको छ। 2023 मा नयाँ सूचित गरिएका क्षयरोगका 16.0% बिरामी विदेशमा जन्मेका थिए।
यसका साथै, जापान बाहेकका धेरै देशहरूले देशमा प्रवेश गर्नेहरूका लागि क्षयरोग नियन्त्रण उपायको रूपमा विदेशी नागरिकहरूको लागि क्षयरोग स्क्रिनिङ सुरु गरेका छन्। जापानमा क्षयरोगका केसहरूको अवस्थालाई ध्यानमा राख्दै, जापानमा ठूलो संख्यामा क्षयरोगका केसहरू देखिएका देशका नागरिकहरू, जो जापान प्रवेश गर्न र मध्यमदेखि दीर्घकालीन अवधिको लागि बस्न चाहन्छन्, उनिहरूलाई यात्रा गर्नुअघि सक्रिय क्षयरोग छैन भनी सुनिश्चित गर्न जापान प्रवेश पूर्व क्षयरोग स्क्रिनिङ लागू गरिनेछ ।

उत्तरजापान बसाइँको क्रममा क्षयरोगको निदान भएका विदेशमा जन्मेका धेरैजसो बिरामीहरूका देशहरू (फिलिपिन्स, भियतनाम, इन्डोनेसिया, नेपाल, म्यानमार र चीन (यसपछि सामूहिक रूपमा "लक्षित देशहरू" भनिने) स्क्रिनिङ लागु हुने देशहरू हुनेछन्। स्क्रिनिङ लागु हुने व्यक्तिहरू लक्षित देशका नागरिकहरू हुनेछन्, जो जापानमा मध्यमदेखि दीर्घकालीन बासिन्दा (*) (पुनः प्रवेश अनुमति वाहकहरू बाहेक) को रूपमा प्रवेश गर्न र बस्न चाहने वा निर्धारित गतिविधिहरूको रूपमा सूचना नम्बर 53 (डिजिटल घुमन्ते) वा नम्बर 54 (डिजिटल नोम्याडको पति/पत्नी वा बच्चा) को प्रावधान अन्तर्गतका व्यक्तिहरू हुनेछन्।
यद्यपि, यदि आवेदक हाल बसोबास गरिरहेको स्थानको सरकारले जारी गरेको आवास अनुमतिपत्र वा अन्य कागजातले उक्त व्यक्ति हाल बसोबास गरिरहेको स्थान लक्षित देश वा क्षेत्रहरू बाहिर रहेको पुष्टि गरेमा, आवेदकलाई क्षयरोग स्क्रिनिङ बाट छुट दिइनेछ।
JET कार्यक्रमका सहभागीहरू, JICA प्रशिक्षार्थीहरू (दीर्घकालीन र छोटो अवधि दुवै), JICA को मानव स्रोत विकास छात्रवृत्ति परियोजना (JDS) का अन्तर्राष्ट्रिय विद्यार्थीहरू, दूतावासद्वारा सिफारिस भएका जापानको सरकारी छात्रवृत्तिका विद्यार्थीहरू, नियुक्त गरिएको शिक्षा र तालिम कार्यक्रम अन्तर्गत जापान प्रवेश गर्ने विदेशी विद्यार्थीहरू, आर्थिक साझेदारी सम्झौता (EPA) लागू देशहरू अन्तर्गत स्वीकृत नर्सहरू र हेरचाहकर्मीहरू, विवशष्ट गवतविविहरू (विशेष सिारी ढुिानी व्यिसाय तयारी), विशिष्ट सीप भएका कामदारहरू र राष्ट्रिय रणनीतिक विशेष क्षेत्रहरूमा हाउस किपिङ सेवा सञ्चालन गर्ने विदेशीहरूलाई स्वीकार गर्ने परियोजना अन्तर्गत जापान प्रवेश गर्ने विदेशी नागरिकहरू (राष्ट्रिय रणनीतिक विशेष क्षेत्र ऐन, धारा 16-4 अनुसार) लाई अस्थायी रूपमा स्क्रिनिङबाट छुट दिइनेछ।
(*) “मध्यमदेखि दीर्घकालीन बासिन्दा” भन्नाले अध्यागमन नियन्त्रण तथा शरणार्थी पहिचान ऐनको धारा 19-3 मा निर्देशित गरिएका व्यक्तिहरूलाई जनाउँछ (निम्न श्रेणीहरू मध्ये कुनैमा पनि नपर्ने र बसोबासको योग्यता सहित जापानमा बसोबास गर्ने विदेशी नागरिकहरू: (1) तीन महिना अवधिभन्दा बढी नहुने गरि बसोबासको अनुमति प्राप्त गरेको व्यक्ति; (2) "अस्थायी आगन्तुक" को बसोबासको अनुमति प्राप्त गरेको व्यक्ति; (3) "कूटनीतिज्ञ" वा "आधिकारिक" बसोबासको अनुमति प्राप्त गरेको व्यक्ति; र (4) न्याय मन्त्रालयको आदेशद्वारा (1) देखि (3) सम्म उल्लेख गरिएको व्यक्तिको समकक्षको रूपमा तोकिएको व्यक्ति।

उत्तर

1. आवेदकहरूले स्क्रिनिङको लागि लक्षित देशहरूमा अवस्थित निर्धारित चिकित्सा सुविधा (यसपछि प्यानल क्लिनिक भनिने) मा चिकित्सा परीक्षण र छातीको एक्स-रे (वा चिन्ता भएमा डाक्टरको निर्णय अनुसार खकार परीक्षण) गर्नेछन् (तल हेर्नुहोस्)।
2. आवेदकलाई सक्रिय क्षयरोग नभएको अवस्थामा प्यानल क्लिनिकले क्षयरोग क्लियरेन्स प्रमाणपत्र जारी गर्नेछ।
3. योग्यताको प्रमाणपत्रको लागि आवेदन दिँदा (वा योग्यताको प्रमाणपत्र प्राप्त नगरी विदेशमा रहेको जापानी कूटनीतिक नियोगमा भिसाको लागि आवेदन दिएको अवस्थामा) आवेदकहरूले क्षयरोग क्लियरेन्स प्रमाणपत्र पेश गर्न आवश्यक हुनेछ।

* सक्रिय क्षयरोग भएको पत्ता लागेका व्यक्तिहरूले उपचार पूरा गरेपछि प्यानल क्लिनिकमा अर्को क्षयरोग परीक्षण गराउनुपर्ने हुन्छ।

उत्तरसंक्रामक रोगहरूको रोकथाम र संक्रामक रोग भएका बिरामीहरूको लागि चिकित्सा हेरचाह सम्बन्धी ऐन (1998 को ऐन नम्बर 114) को धारा 6, अनुच्छेद (3), धारा (ii) अन्तर्गत क्षयरोगलाई वर्ग II संक्रामक रोगको रूपमा तोकिएको छ।
अध्यागमन नियन्त्रण र शरणार्थी पहिचान ऐनको धारा 5, अनुच्छेद (1), धारा (i) (1951 को मन्त्रिपरिषद् आदेश नम्बर 319; यसपछि, "अध्यागमन नियन्त्रण ऐन") ले वर्ग II संक्रामक रोगबाट पीडित हुनुलाई जापानमा प्रवेश अस्वीकार गर्ने आधार मानेको छ। सिद्धान्ततः, सक्रिय क्षयरोग भएका विदेशी नागरिकहरूले अध्यागमन नियन्त्रण ऐनको धारा 7, अनुच्छेद (1), धारा (i) अन्तर्गत जापानमा अवतरणका लागि तोकिएका सर्तहरू पूरा नगर्ने भएकोले उनीहरूलाई जापानमा प्रवेश अनुमति दिइनेछैन। साथै, अध्यागमन नियन्त्रण ऐनको धारा 7-2 को प्रावधानहरूको आधारमा, योग्यताको प्रमाणपत्रको लागि आवेदनको परीक्षण प्रक्रियामा व्यक्तिले सोही ऐनको धारा 7, अनुच्छेद (1), धारा (ii) अन्तर्गत उल्लिखित प्रवेशका सर्तहरू पूरा गरेको छ भनी प्रमाणित गर्न आवश्यक हुन्छ। यसबाहेक, आप्रवासन नियन्त्रण ऐनको प्रवर्तन नियमनको धारा 6-2, अनुच्छेद (5) को प्रावधानको आधारमा, आवेदकले अध्यागमन नियन्त्रण ऐनको धारा 7, अनुच्छेद (1), धाराहरू (i), (iii) वा (iv) मा उल्लेख गरिएका सर्तहरू पूरा नगरेमा अधिकारीहरूले योग्यताको प्रमाणपत्र जारी गर्न अस्वीकार गर्न सक्छन्।
त्यसैले, योग्यताको प्रमाणपत्रको लागि आवेदन प्रक्रियामा, अध्यागमन सेवा एजेन्सीले आप्रवासन नियन्त्रण ऐनको धारा 7, अनुच्छेद (1), खण्ड (ii) अन्तर्गत उल्लिखित प्रवेश सर्तहरू पूरा गरेको पुष्टि गर्ने माध्यमको रूपमा क्षयरोग क्लियरेन्स प्रमाणपत्र आवश्यक पर्नेछ।
भिसा आवेदन प्रक्रियामा परराष्ट्र मन्त्रालय (र विदेशमा रहेका यसका कूटनीतिक नियोगहरूले) भिसा जारी गर्ने मापदण्डको आधारमा, आवेदक अध्यागमन नियन्त्रण ऐनको धारा 5, अनुच्छेद (1) को कुनै पनि बुँदा अन्तर्गत पर्दैन भन्ने पुष्टि गर्ने क्षयरोग क्लियरेन्स प्रमाणपत्र आवश्यक पर्छ ।

उत्तरप्यानल क्लिनिकहरू जापानी सरकारले प्रवेश पूर्व क्षयरोग स्क्रिनिङको गुणस्तर सुनिश्चित गर्न निर्धारित गरेका चिकित्सा सुविधाहरू हुन्। लक्षित देशहरूमा रहेका जापानी कूटनीतिक नियोगहरूले जापान सरकारले तोकेका आवश्यकताहरू पूरा गर्ने स्थानीय चिकित्सा सुविधाहरू सिफारिस गर्छन्, र जापानको स्वास्थ्य, श्रम तथा कल्याण मन्त्रालय (MHLW) द्वारा नियुक्त गरिएको जापान प्रवेश पूर्व क्षयरोग स्क्रिनिङ गुणस्तर मूल्याङ्कन केन्द्रले यी सुविधाहरूको निरीक्षण गर्छ। मापदण्ड पूरा गरेका सुविधाहरूलाई जापानी सरकारले प्यानल क्लिनिकको रूपमा निर्धारित गर्छ।

उत्तरसमन्वय पूरा भइसकेका लक्षित देशहरूबाट क्रमशः स्क्रिनिङ सुरु हुनेछ।
हाल December 26 2024 सम्ममा, प्यानल क्लिनिकहरूमा चिकित्सा परीक्षणको लागि स्वीकार गर्न सुरु हुने मिति र योग्यताको प्रमाणपत्र वा भिसाको लागि आवेदन दिँदा क्षयरोग क्लियरेन्स प्रमाणपत्र पेश गर्नुपर्ने अनिवार्य आवश्यकताको रुपरेखा तल उल्लेख गरिएको छ।

उत्तरयी तीन देशहरूको सन्दर्भमा हाल समन्वय भइरहेको छ र सुरु हुने मिति अझै तय भएको छैन। सुरु हुने मिति पुष्टि हुने बित्तिकै यो MHLW को वेबसाइटमा घोषणा गरिनेछ।

उत्तरप्रमाणपत्र छातीको एक्स-रे गरेको मितिबाट 180 दिनको लागि मान्य हुनेछ।
सक्रिय क्षयरोगबाट मुक्त भएको आवेदकले निम्न मध्ये कुनै पनि अवस्थामा परेमा प्रमाणपत्रको मान्य हुने अवधि 180 दिनबाट घटाएर 90 दिनमा झर्छ।
1) आवेदकको छातीको एक्स-रे हुनुभन्दा 2 महिनाअघि आवेदकसँगै बस्ने एक वा बढी परिवारका सदस्यहरूलाई सक्रिय संक्रामक फोक्सो सम्बन्धी क्षयरोग भएको निदान भएमा। 2) आवेदकले छातीको एक्स-रे गर्नुभन्दा 2 महिनाअघि सक्रिय संक्रामक फोक्सो सम्बन्धी क्षयरोगको निदान भएको व्यक्तिसँग लामो समयसम्म (दिन वा हप्ता) एउटै बन्द हावाको ठाउँ, घरेलु वा अन्य बन्द वातावरणमा सँगै रहेको भएमा।

उत्तरहोइन, यो स्वीकार्य हुँदैन।

उत्तरयदि तपाईंलाई विगतमा क्षयरोग भएको पत्ता लागेको छ भने पनि, यदि तपाईंले उपचार पूरा गर्नुभएको छ र प्यानल क्लिनिकले तपाईंलाई सक्रिय क्षयरोग नभएको पुष्टि गर्छ भने, तपाईंलाई क्षयरोग क्लियरेन्स प्रमाणपत्र जारी गरिनेछ र तपाईंले योग्यताको प्रमाणपत्र वा भिसाको लागि आवेदन दिन सक्नुहुन्छ।

उत्तर डाक्टरको निर्देशन पालना गरेर चिकित्सा सुविधामा उपचार लिनुहोस्। उपचार पूरा भएपछि तपाईंको फेरि प्यानल क्लिनिकमा स्क्रिनिङ गराउन सक्नुहुन्छ। त्यस बेला क्षयरोग उपचार रिपोर्ट* आवश्यक हुनेछ।
* क्षयरोग उपचार रिपोर्टको लागि तोकिएको फारम छ। यदि तपाईंको कुनै प्रश्नहरू छन् भने कृपया तपाईंले स्क्रिनिङ गराएको प्यानल क्लिनिकमा सम्पर्क गर्नुहोस्।

उत्तरआवेदकले बेहोर्नु पर्ने हुन्छ।

उत्तर प्यानल क्लिनिक अनुसार खर्च फरक-फरक हुन्छ।
प्यानल क्लिनिकको सम्पर्क केन्द्रसँग स्क्रिनिङ सम्बन्धित विभिन्न शुल्कहरू पुष्टि गर्न निश्चित गर्नुहोस् वा तिनीहरूको वेबसाइट जाँच गर्नुहोस्।

उत्तरहो, बच्चाहरूलाई प्रवेश पूर्व क्षयरोग स्क्रिनिङ लागु हुन्छ।
5 वर्ष मुनिका बालबालिकाको चिकित्सकीय अन्तर्वार्ता र शारीरिक परीक्षणले सक्रिय क्षयरोगको संकेत गर्ने निष्कर्षहरू प्रकट गरेमा वयस्कहरूमा जस्तै छातीको एक्स-रे गरिन्छ। यदि चिकित्सकीय अन्तर्वार्ता र शारीरिक परीक्षणले सक्रिय क्षयरोगको संकेत गर्ने निष्कर्षहरू प्रकट नगरेको खण्डमा ट्युबरकुलिन छाला परीक्षण (Tuberculin Skin Test, TST) वा इन्टरफेरोन-गामा रिलीज एसे (interferon-gamma release assay, IGRA) गरिन्छ।
विस्तृत विवरणहरूको लागि, कृपया खण्ड 3, 2 मा रहेको अनुच्छेद "5 वर्ष मुनिका बालबालिकाका लागि ध्यान दिइएका कुराहरू") स्क्रिनिङका वर्ग र प्रक्रियाहरू जापान प्रवेश पूर्व क्षयरोग स्क्रिनिङ प्राविधिक निर्देशनहरू हेर्नुहोस्।

उत्तर हो, गर्भवती महिलाहरूमा प्रवेश पूर्व क्षयरोग स्क्रिनिङ लागु हुन्छ। गर्भावस्थाको समयमा गर्भमा रहेको, विशेष गरी पहिलो त्रिमासमा रहेको बच्चामा विकिरणको जोखिम कम छ। त्यसकारण गर्भवती महिलाहरूले आफ्नै जिम्मेवारीमा निम्न दुई विकल्पहरू विचार गर्नुपर्छ।
1) छातीको एक्स-रे (र आवेदन प्रक्रिया) बच्चाको जन्म नहोउन्जेलसम्म स्थगित गर्ने।
2) डबल-लेयर लिड शिल्डिंग प्रयोग गरेर छातीको एक्स-रे गराउने।
विस्तृत विवरणहरूको लागि, कृपया खण्ड 3, 2 मा रहेको अनुच्छेद "गर्भवती महिलाहरूका लागि ध्यान दिइएका कुराहरू") स्क्रिनिङका वर्ग र प्रक्रियाहरू जापान प्रवेश पूर्व क्षयरोग स्क्रिनिङ प्राविधिक निर्देशनहरू हेर्नुहोस्।

उत्तरप्यानल क्लिनिकहरूको सन्दर्भमा लक्षित देशहरूमा रहेका जापानी कूटनीतिक नियोगहरूले जापान सरकारले तोकेका आवश्यकताहरू पूरा गर्ने स्थानीय चिकित्सा सुविधाहरू सिफारिस गर्छन्, र जापानको स्वास्थ्य, श्रम तथा कल्याण मन्त्रालय (MHLW) द्वारा नियुक्त गरिएको जापान प्रवेश पूर्वको क्षयरोग स्क्रिनिङ गुणस्तर मूल्याङ्कन केन्द्रले यी सुविधाहरूको निरीक्षण गर्छ। मापदण्ड पूरा गर्ने सुविधाहरूलाई क्रमिक रूपमा प्यानल क्लिनिकको रूपमा निर्धारित गरिएको छ।
विशेष गरी, लक्षित देशहरूबाट जापान प्रवेश गर्ने व्यक्तिहरूको वास्तविक संख्याको आधारमा प्यानल क्लिनिकहरूमा डाक्टरहरूद्वारा प्रति दिन जाँच गरिने व्यक्तिहरूको संख्या अनुमान गरिन्छ र कार्यान्वयनको लागि लक्ष्य निर्धारण गरिन्छ। यो प्रणाली सुरु भएपछि पनि स्थितिको अनुगमन जारी रहनेछ र माग पूरा गर्न प्यानल क्लिनिकहरूको संख्या सुनिश्चित गरिनेछ।

उत्तर योग्यताको प्रमाणपत्र प्राप्त गरेपछि जापानमा अवतरण गर्न भिसा वा अनुमतिको लागि आवेदन दिने व्यक्तिहरूले योग्यताको प्रमाणपत्रको लागि आवेदन दिने क्रममा मात्र मान्य हुने क्षयरोग क्लियरेन्स प्रमाणपत्र पेश गर्दा पर्याप्त हुन्छ। योग्यताको प्रमाणपत्र प्राप्त गरेपछि गरिएका भिसा आवेदन र जापानमा अवतरण अनुमतिका लागि आवेदनहरूमा योग्यताको प्रमाणपत्र आवेदन गर्दा पेश गरिएको क्षयरोग क्लियरेन्स प्रमाणपत्रको वैधता अवधि भित्र गरिनु पर्दैन, साथै यी आवेदनहरू गर्दा क्षयरोग क्लियरेन्स प्रमाणपत्र पेश गर्नु आवश्यक हुँदैन।

उत्तरसामान्य नियमको रूपमा, योग्यताको प्रमाणपत्रको लागि आवेदन दिँदा क्षयरोग क्लियरेन्स प्रमाणपत्र पेश गर्न असफल भएमा आवेदन अस्वीकृत हुनेछ।
अर्कोतर्फ, जापानको प्रवेश पूर्व क्षयरोग स्क्रिनिङको लागि निर्देशिकाको धारा 4, अनुच्छेद (2) मा रहेको प्रावधानले क्षयरोग क्लियरेन्स प्रमाणपत्र पेश नगरिएको भए पनि असाधारण अवस्थामा योग्यताको प्रमाणपत्र जारी गर्ने सम्भावना प्रदान गर्छ। यो कुरा योग्यताको प्रमाणपत्रको लागि आवेदन दिँदा आवेदकले क्षयरोग क्लियरेन्स प्रमाणपत्र पेश गर्न नसक्ने अपरिवर्तनीय परिस्थितिहरू रहेको भनी पहिचान भएमा मात्र लागुहुन्छ, साथै आवेदकले भिसाको लागि आवेदन दिँदा क्षयरोग क्लियरेन्स प्रमाणपत्र पेश गर्नुपर्ने अपेक्षा गरिन्छ। यो प्रावधान लागू हुन्छ वा हुँदैन भन्ने कुरा हरेक मामिलामा अलग अलग निर्धारण गरिनेछ।

उत्तरप्रतिलिपि (स्क्यान गरिएको डेटा समेत) पेश गर्न स्वीकार्य छ।

उत्तरजापानी सरकारले निर्धारित गरेको स्वास्थ्य संस्थामा स्वास्थ्य परीक्षण गराउनु र सो सुविधाद्वारा जारी गरिएको क्षयरोग क्लियरेन्स प्रमाणपत्र पेश गर्नु आवश्यक हुन्छ।

उत्तर आवेदन पेश गर्ने बेलाको क्षयरोग क्लियरेन्स प्रमाणपत्रको अनिवार्य पेश गर्ने मितिलाई ध्यानमा राख्दै यसलाई आधारको रूपमा लिइन्छ।
त्यसैले फिलिपिन्स र नेपालको हकमा June 23, 2025 देखि र भियतनामको हकमा September 1, 2025 देखि योग्यताको प्रमाणपत्र वा भिसाको लागि आवेदन दिने व्यक्तिहरूले क्षयरोग क्लियरेन्स प्रमाणपत्र पेश गर्नुपर्नेछ।
क्षयरोग क्लियरेन्स प्रमाणपत्र अनिवार्य हुने मितिभन्दा अगाडि योग्यताको प्रमाणपत्रको लागि आवेदन दिएर आवेदकले क्षयरोग क्लियरेन्स प्रमाणपत्र पेश नगरी योग्यताको प्रमाणपत्र प्राप्त गर्छ र त्यसपछि क्षयरोग क्लियरेन्स प्रमाणपत्र पेश गर्न अनिवार्य हुने मिति पछि भिसाको लागि आवेदन दिन्छ भने, भिसाको लागि आवेदन दिँदा आवेदकले क्षयरोग निकासी प्रमाणपत्र पेश गर्न आवश्यक हुनेछैन।
यद्यपि, यसमा आवेदकमा क्षयरोगको कुनै पनि व्यक्ति परक लक्षणहरू छैनन् (दुई हप्ताभन्दा बढी समयसम्म खोकी लग्नु र खकार निस्कनु, लामो समयसम्म हल्का ज्वरो आउनु वा शरीर सुस्त हुनु आदि) भन्ने मानिन्छ। यदि यस्ता व्यक्तिपरक लक्षणहरू छन् भने क्षयरोग परीक्षण गराउनु राम्रो हुन्छ।