ASa mga nakaraang taon, ang bilang ng mga kaso ng TB sa taong ipinanganak sa ibang bansa ay dumarami sa Japan. Noong 2023, 16.0% ng mga bagong ipinaalam na kaso ng TB ay sa ipinanganak sa ibang bansa.
Dagdag dito, maraming bansa bukod sa Japan ang nagpasimula ng TB screening para sa mga dayuhang nasyonal bilang hakbang para makontrol ang TB para sa mga papasok sa bansa. Dahil sa sitwasyon ng mga kaso ng TB sa Japan, pasisimulan ang Pre-Entry TB Screening sa mga nasyonal ng mga bansang may partikular na mataas na bilang ng mga kaso ng TB sa Japan, at nagbabalak na pumasok sa Japan para sa medium hanggang long-term na pananatili, para masigurong wala silang aktibong TB bago sila maglakbay sa Japan.

AAng mga bansang sasailalim sa screening ay ang mga bansang may malaking proporsyon ng mga kaso ng taong ipinanganak sa ibang bansa na na-diagnose na may TB habang nasa Japan (Pilipinas, Viet Nam , Indonesia, Nepal, Myanmar, at China (sama-samang tatawaging “mga target na bansa” mula rito)). Tungkol naman sa mga taong sasailalim sa screening, sila ay ang mga nasyonal ng mga target na bansa na nagbabalak pumasok sa Japan bilang mid- to long-term resident (*) (hindi kasama ang mga may re-entry permit) o sa ilalim ng mga probisyon ng Notipikasyon Blg. 53 (Digital Nomad) o Blg. 54 (Asawa o Anak ng Digital Nomad) sa Designated Activities.
Subalit kung ang residence permit o iba pang dokumentong inisyu ng pamahalaan ng lugar ng paninirahan ng aplikante ay nagkukumpirma na ang kanilang kasulukuyang lugar ng paninirahan ay nasa labas ng mga target na bansa o rehiyon, magiging exempted ang aplikante sa TB screening.
Ang mga kalahok sa JET Programme, trainee ng JICA (kahit long-term o short-term), mga international student ng JICA’s Project for Human Resource Development Scholarship (JDS), mga estudyante ng Japanese Government Scholarship na may rekomendasyon ng embahada, dayuhang estudyante na papasok sa Japan sa ilalim ng kinomisyong edukasyon at mga training program, mga nurse at care worker na tinanggap sa ilalim ng Economic Partnership Agreements (EPAs) sa mga kinauukulang bansa, mga specified skilled worker, Tukoy na Aktibidad (paghahanda para sa itinalagang negosyo ng transportasyon ng sasakyan), at mga dayuhang nasyonal na papasok sa Japan sa ilalim ng Project to Accept Foreigners Conducting Housekeeping Services in National Strategic Special Zones (alinsunod sa Artikulo 16-4 ng Act on National Strategic Special Zones) ay pansamantalang magiging exempted sa screening.
(*) Ang “mid- to long-term resident” ay tumutukoy sa mga indibidwal na nakasaad sa Artikulo 19-3 ng Batas sa Pangangasiwa ng Imigrasyon at Pagkilala ng Refugee (mga dayuhang nakatira sa Japan na may status of residence, liban sa mga sumasailalim sa isa sa mga sumusunod na kategorya: (1) taong pinagkalooban ng period of stay na hindi lumalampas sa tatlong buwan; (2) taong pinagkalooban ng status of residence na “Temporary Visitor”; (3) taong pinagkalooban ng status of residence na “Diplomat” o “Official”; at (4) taong nakatakda sa Ordinansa ng Ministry of Justice bilang katumbas ng taong nabanggit sa (1) hanggang (3)).

A

1. Ang mga aplikante ay sasailalim sa medikal na eksaminasyon at X-ray ng dibdib (o test ng plema sa pagpapasya ng doktor kung may inaalala) sa nakatakdang medikal na pasilidad (tatawaging Panel Clinic mula rito) na nasa mga target na bansa para sa screening (tingnan sa ibaba).
2. Ang Sertipiko ng TB Clearance ay iiisyu ng Panel Clinic kapag ang aplikante ay walang aktibong tuberkulosis.
3. Kailangang isumite ng mga aplikante ang Sertipiko ng TB Clearance kapag mag-aapply para sa Certificate of Eligibility (o kapag mag-aapply para sa visa sa diplimatikong misyon ng Japan sa ibang bansa kung mag-aapply para sa visa nang hindi kumukuha ng Certificate of Eligibility).

* Ang mga taong na-diagnose na may aktibong TB ay dapat sumailalim sa isa pang eksaminasyon ng TB sa Panel Clinic pagkatapos makumpleto ang paggamot.

A Ang tuberkulosis ay nakatakda bilang Class II na nakakahawang sakit sa ilalim ng Artikulo 6, talata (3), item (ii) ng Batas hinggil sa Prebensyon ng mga Nakakahawang Sakit at Paggamot sa mga Pasyenteng May Nakakahawang Sakit (Batas Blg. 114 ng 1998).
Ang Artikulo 5, talata (1), item (i) ng Batas sa Pangangasiwa ng Imigrasyon at Pagkilala ng Refugee (Kautusan ng Gabinete Blg. 319 ng 1951; tatawaging “Batas sa Pangangasiwa ng Imigrasyon” mula rito) ay nagsasaad na ang pagkakaroon ng Class II na nakakahawang sakit ay batayan para tanggihan ang pagpasok sa Japan. Sa patakaran, ang mga dayuhang nasyonal na may aktibong TB ay hindi tumutupad sa mga kondisyon para lumapag sa Japan na nakatakda sa Artikulo 7, talata (1), item (i) ng Batas sa Pangangasiwa ng Imigrasyon at hindi mapapahintulutang pumasok sa Japan. Dagdag dito, batay sa mga probisyon ng Artikulo 7-2 ng Batas sa Pangangasiwa ng Imigrasyon, ang proseso ng pagsusuri sa Aplikasyon para sa Certificate of Eligibility ay nangangailangan ng beripikasyon na ang indibidwal ay pumapailalim sa mga kondisyon sa pagpasok na nakatakda sa Artikulo 7, talata (1), item (ii) ng nasabing Batas. Higit pa rito, batay sa mga probisyon ng Artikulo 6-2, talata (5) ng Regulasyon para sa Pagpapatupad ng Batas sa Pangangasiwa ng Imigrasyon, ang mga maykapangyarihan ay maaaring tumangging mag-isyu ng Certificate of Eligibility kapag ang aplikante ay malinaw na hindi pumapailalim sa mga kondisyong nakatakda sa Artikulo 7, talata (1), item (i), (iii) o (iv) ng Batas sa Pangangasiwa ng Imigrasyon.
Dahil dito, sa proseso ng pag-apply para sa Certificate of Eligibility, ang Immigration Services Agency ay hihingi ng Sertipiko ng TB Clearance bilang paraan para makumpirmang natutupad ng aplikante (the applicant) ang mga kondisyon sa pagpasok na nakatakda sa Artikulo 7, talata (1), item (ii) ng Batas sa Pangangasiwa ng Imigrasyon. Sa proseso ng pag-apply para sa visa, ang Ministry of Foreign Affairs (at ang mga diplomatikong misyon nito sa ibang bansa), batay sa mga Pamantayan sa Pag-isyu ng Visa, ay hihingi ng Sertipiko ng TB Clearance mula sa aplikante para makumpirmang ang aplikante ay hindi sumasailalim sa alinman sa mga item sa Artikulo 5, talata (1) ng Batas sa Pangangasiwa ng Imigrasyon.

AAng Panel Clinic ay medikal na pasilidad na itinalaga ng pamahalaan ng Japan para masiguro ang kalidad ng pre-entry TB screening. Ang mga diplomatikong misyon sa mga target na bansa ay nagrerekomenda ng mga lokal na medikal na pasilidad na tumutupad sa mga requirement na itinakda ng pamahalaan ng Japan, at ang Centre for Japan-Pre-entry TB Screening Quality Assessment, na kinomisyon ng Ministry of Health, Labour and Welfare (MHLW) ng Japan, ay nag-iinspeksyon sa mga pasilidad na iyon. Ang mga pasilidad na tumutupad sa mga pamantayan ay itinatalaga bilang Panel Clinic ng pamahalaan ng Japan.

AMagsisimula ang screening unti-unti mula sa mga target na bansa kung saan nakumpleto na ang koordinasyon.
Sa petsang December 26, 2024, ang petsa para sa pagsisimula ng pagtanggap para sa medikal na eksaminasyon sa mga Panel Clinic at introduksyon ng obligasyong magsumite ng Sertipiko ng TB Clearance kapag mag-aapply para sa Certificate of Eligibility o visa ay nakabalangkas sa ibaba.

ATungkol sa tatlong bansang ito, kasalukuyang isinasagawa ang koordinasyon, at hindi pa natitiyak ang petsa ng pagsisimula. Sa oras na makumpirma ang petsa ng pagsisimula, iaanunsyo ito sa website ng MHLW.

AAng Sertipiko ay may bisa hanggang 180 araw mula sa petsa ng X-ray ng dibdib.
Ang Sertipiko ay may bisa hanggang 180 araw mula sa petsa ng X-ray ng dibdib. Kapag ang Aplikante, na nabigyan ng clearance sa aktibong TB, ay sumasailalim sa alinman sa mga sumusunod na kondisyon, ang panahon ng bisa ng Sertipiko ay babawasan mula sa 180 araw at magiging 90 araw.
1) Isa o higit pa sa mga miyembro ng pamilya na nakatira kasama ng Aplikante ay na-diagnose na may aktibong nakakahawang pulmonary TB sa loob ng dalawang (2) buwan bago sumailalim ang Aplikante sa X-ray ng dibdib. 2) Ang Aplikante ay gumamit ng parehong tirahan, nakakulob na espasyo, o iba pang napapalibutang kapaligiran sa loob ng matagal na panahon (ilang mga araw o linggo) kasama ng taong na-diagnose na may aktibong nakakahawang pulmonary TB sa loob ng dalawang (2) buwan bago sumailalim ang Aplikante sa X-ray ng dibdib.

AHindi iyon tatanggapin.

A Kahit kung na-diagnose na may TB sa nakaraan, kung nakumpleto ninyo ang paggamot at kumpirmahin ng Panel Clinic na wala kayong aktibong TB, maiisyuhan kayo ng Sertipiko ng TB Clearance, at makakapag-apply kayo para sa Certificate of Eligibility o visa.

A Sundin ang mga tagubilin ng doktor at magpagamot sa medikal na pasilidad. Kapag nakumpleto ang paggamot, maaari kayong magpa-screen muli sa Panel Clinic. Sa muling pag-screen, kakailanganin ang Tuberculosis Treatment Report*.
* Mayroong takdang form para sa Tuberculosis Treatment Report. Kung may anumang katanungan, mangyaring kontakin ang Panel Clinic kung saan kayo nagpa-screen.

AAng aplikante ang sasagot doon.

AMagkakaiba ang gastusin depende sa Panel Clinic.
Siguraduhing kumpirmahin ang iba’t ibang bayad kaugnay sa screening sa tanggapan ng Panel Clinic o i-check ang kanilang website.

AOo, ang mga bata ay sasailalim sa pre-entry TB screening.
Para sa mga batang wala pang 5 taong gulang, isasagawa ang X-ray ng dibdib katulad ng sa adult kung may matuklasang indikasyon ng aktibong TB sa medikal na interview at eksaminasyon ng katawan. Kung walang matuklasang indikasyon ng aktibong TB sa medikal na interview at eksaminasyon ng katawan, isasagawa ang tuberculin skin test (TST) o interferon-gamma release assay (IGRA).
Para sa mga detalye, mangyaring sanggunian ang talatang “Considerations for children aged under 5 years” sa Seksyon 3, 2) Screening categories and processes, sa Japan Pre-Entry TB Screening Technical Instructions.

AOo, ang mga buntis na babae ay sasailalim sa pre-entry TB screening. Habang nagbubuntis, mayroong maliit na risk ng radiation exposure sa hindi pa ipinapanganak na sanggol, lalo na sa unang trimester. Samakatuwid, dapat isaalang-alang ng buntis na babae ang sumusunod na dalawang alternatibong opsyon sa sarili niyang pananagutan.
1) Ipagpaliban ang X-ray ng dibdib (at proseso ng pag-apply) hanggang pagkatapos manganak.
2) Magpatuloy sa X-ray ng dibdib nang may dobleng patong ng lead shielding.
Para sa mga detalye, mangyaring sanggunian ang talatang “Considerations for pregnant women” sa Seksyon 3, 2) Screening categories and processes, sa Japan Pre-Entry TB Screening Technical Instructions.

A Tungkol sa mga Panel Clinic, ang mga diplomatikong misyon sa mga target na bansa ay nagrerekomenda ng mga lokal na medikal na pasilidad na tumutupad sa mga requirement na itinakda ng pamahalaan ng Japan, at ang Centre for Japan-Pre-entry TB Screening Quality Assessment, na kinomisyon ng MHLW, ay nag-iinspeksyon sa mga pasilidad na iyon. Ang mga pasilidad na tumutupad sa mga pamantayan ay magkakasunod na itinatalaga bilang Panel Clinic.
Sa partikular, batay sa aktuwal na bilang ng mga taong pumapasok sa Japan mula sa mga target na bansa, tatantiyahin ang bilang ng mga taong sasailalim sa screening ng doktor sa Panel Clinic kada araw, at magtatakda ng target para sa implementasyon. Kahit pagkatapos magsimula ng sistema, patuloy na imomonitor ang sitwasyon at sisiguruhin ang bilang ng mga Panel Clinic para matugunan ang pangangailangan.

A Para sa mga indibidwal na mag-aapply para sa visa o pahintulot na lumapag sa Japan pagkatapos kumuha ng Certificate of Eligibility, sapat nang magsumite ng may bisang Sertipiko ng TB Clearance kung mag-aapply lamang para sa Certificate of Eligibility. Ang aplikasyon para sa visa at para sa pahintulot na lumapag sa Japan na isinagawa pagkatapos matanggap ang Certificate of Eligibility ay hindi kailangang isagawa sa loob ng panahon ng bisa ng Sertipiko ng TB Clearance na isinumite kasama ng aplikasyon sa Certificate of Eligibility, at hindi rin kailangang magsumite ng Sertipiko ng TB Clearance kapag magsasagawa ng ganitong mga aplikasyon.

ASa patakaran, ang hindi pagsusumite ng Sertipiko ng TB Clearance kapag nag-aapply para sa Certificate of Eligibility ay magreresulta sa pagtanggi sa aplikasyon.
Sa kabilang banda, ang probisyon sa Seksyon 4, Talata (2) ng Patnubay para sa Japan Pre-Entry Tuberculosis Screening ay nagtatakda para sa posibilidad ng pag-isyu ng Certificate of Eligibility sa pambihirang kaso kahit hindi nakapagsumite ng Sertipiko ng TB Clearance. Ito ay para lamang sa kasong kinilala bilang hindi maiiwasang pangyayari na nakahadlang sa pagsusumite ng aplikante ng Sertipiko ng TB Clearance sa oras ng pag-apply niya para sa Certificate of Eligibility, at ang aplikante ay inaasahang magsumite ng Sertipiko ng TB Clearance sa oras ng pag-apply niya para sa visa. Magpapasya kung naaangkop ang probisyong ito o hindi batay sa bawat kaso.

ATatanggapin ang pagsusumite ng kopya (kasama ang scanned data).

AKailangang sumailalim sa medikal na eksaminasyon sa medikal na pasilidad na itinalaga ng Pamahalaan ng Japan at magsumite ng Sertipiko ng TB Clearance na inisyu ng pasilidad na iyon.

A Ang petsa para sa introduksyon ng obligasyong magsumite ng Sertipiko ng TB Clearance ay isasaalang-alang kapag nag-file ng aplikasyon at iyon ang magsisilbing batayan.
Samakatuwid, ang mga indibidwal na mag-aapply para sa Certificate of Eligibility o para sa visa mula June 23, 2025 sa kaso ng Pilipinas at Nepal, at mula September 1, 2025 sa kaso ng Viet Nam, ay dapat magsumite ng Sertipiko ng TB Clearance.
Sa mga kaso kung saan ang aplikasyon para sa Certificate of Eligibility ay isinagawa bago ng petsa kung kailan naging obligasyon ang pagsusumite ng Sertipiko ng TB Clearance, at ang aplikante ay nakatanggap ng Certificate of Eligibility nang hindi nagsusumite ng Sertipiko ng TB Clearance, at pagkatapos noon nag-apply siya para sa visa pagkatapos ng petsa kung kailan naging obligasyon ang pagsusumite ng Sertipiko ng TB Clearance, hindi kailangang magsumite ng aplikante ng Sertipiko ng TB Clearance kapag mag-aapply siya para sa visa.
Subalit ipinapalagay dito na ang aplikante ay walang subhetibong sintomas ng TB (dalawang linggo o higit pang pag-ubo at paglabas ng plema, matagal na banayad na lagnat o panghihina ng katawan, atbp.). Kung may ganitong mga sintomas, makakabuti ang sumailalim sa eksaminasyon para sa TB.